ਪੰਜਾਬ ਦੀ ਰਾਜਧਾਨੀ ਚੰਡੀਗੜ੍ਹ ਨਗਰ ਨਿਗਮ ਵਾਰਡ ਰਿਜ਼ਰਵੇਸ਼ਨ ‘ਚ ‘ਆਪ’ ਅਤੇ ਦੇ 6-6 ਵਾਰਡ ਡਰਾਅ ‘ਚ ਕਈ ਕੌਂਸਲਰਾਂ ਦੀਆਂ ਸੀਟਾਂ ਪ੍ਰਭਾਵਿਤ…

ਚੰਡੀਗੜ੍ਹ, 11 ਸਤੰਬਰ (ਮੰਗਤ ਸਿੰਘ ਸੈਦਪੁਰ) : ਚੰਡੀਗੜ੍ਹ ਨਗਰ ਨਿਗਮ ਚੋਣਾਂ ਤੋਂ ਪਹਿਲਾਂ ਰਾਜ ਚੋਣ ਕਮਿਸ਼ਨਰ ਦੀ ਨਿਗਰਾਨੀ ਹੇਠ ਸੈਕਟਰ 6 ਸਥਿਤ ਯੂਟੀ ਗੈਸਟ ਹਾਊਸ ਵਿਖੇ ਵਾਰਡ ਰਿਜ਼ਰਵੇਸ਼ਨ ਲਈ ਡਰਾਅ ਕੱਢਿਆ ਗਿਆ। ਕੁੱਲ 35 ਨਗਰ ਪਾਲਿਕਾ ਵਾਰਡਾਂ ਵਿੱਚੋਂ ਪਹਿਲਾਂ ਹੀ ਰਾਖਵੇਂ ਰੱਖੇ ਗਏ 16 ਵਾਰਡਾਂ ਨੂੰ ਇਸ ਪ੍ਰਕਿਰਿਆ ਤੋਂ ਬਾਹਰ ਰੱਖਿਆ ਗਿਆ ਸੀ। ਇਸ ਤੋਂ ਬਾਅਦ ਬਾਕੀ 19 ਵਾਰਡਾਂ ਲਈ ਇੱਕ ਨਵਾਂ ਡਰਾਅ ਕੱਢਿਆ ਗਿਆ, ਜਿਸ ਵਿੱਚੋਂ 16 ਵਾਰਡ ਰਾਖਵੇਂ ਕੀਤੇ ਗਏ ਹਨ ਅਤੇ ਸਿਰਫ਼ ਤਿੰਨ ਵਾਰਡ ਜਨਰਲ ਸ਼੍ਰੇਣੀ ਲਈ ਛੱਡੇ ਗਏ ਹਨ। ਇਸ ਡਰਾਅ ਪ੍ਰਕਿਰਿਆ ਵਿੱਚ ਆਮ ਆਦਮੀ ਪਾਰਟੀ (‘ਆਪ’) ਅਤੇ ਭਾਜਪਾ ਦੁਆਰਾ ਜਿੱਤੇ ਗਏ ਛੇ-ਛੇ ਵਾਰਡ ਅਤੇ ਕਾਂਗਰਸ ਦੁਆਰਾ ਜਿੱਤੇ ਗਏ ਚਾਰ ਵਾਰਡ ਸ਼ਾਮਲ ਹਨ। ਦਸੰਬਰ ‘ਚ ਹੋਣ ਵਾਲੀਆਂ ਚੰਡੀਗੜ੍ਹ ਨਗਰ ਨਿਗਮ ਚੋਣਾਂ ਤੋਂ ਪਹਿਲਾਂ ਰਾਜ ਚੋਣ ਕਮਿਸ਼ਨਰ ਦੀ ਨਿਗਰਾਨੀ ਹੇਠ ਸੈਕਟਰ 6 ਸਥਿਤ ਯੂਟੀ ਗੈਸਟ ਹਾਊਸ ਵਿਖੇ ਵਾਰਡ ਰਿਜ਼ਰਵੇਸ਼ਨ ਲਈ ਡਰਾਅ ਕੱਢਿਆ ਗਿਆ। .,.ਵਾਰਡਾਂ ਦੇ ਇਸ ਨਵੇਂ ਰਿਜ਼ਰਵੇਸ਼ਨ ਨਾਲ ਮੌਜੂਦਾ ਕੌਂਸਲਰਾਂ ਲਈ ਰਾਜਨੀਤਿਕ ਸਮੀਕਰਨ ਪੂਰੀ ਤਰ੍ਹਾਂ ਬਦਲ ਗਏ ਹਨ ਅਤੇ ਕਈ ਵੱਡੇ ਆਗੂਆਂ ਨੂੰ ਨਵੀਂ ਸੀਟ ਲੱਭਣ ਦੀ ਚੁਣੌਤੀ ਦਾ ਸਾਹਮਣਾ ਕਰਨਾ ਪਵੇਗਾ। ਵਾਰਡ 3 ਦੇ ਭਾਜਪਾ ਕੌਂਸਲਰ ਦਲੀਪ ਸ਼ਰਮਾ ਅਤੇ ਵਾਰਡ 32 ਦੇ ਸੀਨੀਅਰ ਡਿਪਟੀ ਮੇਅਰ ਜਸਮਨਪ੍ਰੀਤ ਸਿੰਘ ਦੀਆਂ ਸੀਟਾਂ ਅਨੁਸੂਚਿਤ ਜਾਤੀ ਦੀਆਂ ਔਰਤਾਂ ਲਈ ਰਾਖਵੀਆਂ ਹੋਣ ਕਾਰਨ ਉਨ੍ਹਾਂ ਨੂੰ ਨਵਾਂ ਚੋਣ ਮੈਦਾਨ ਲੱਭਣਾ ਪਵੇਗਾ। ਇਸੇ ਤਰ੍ਹਾਂ ਵਾਰਡ 4 ਤੋਂ ਭਾਜਪਾ ਡਿਪਟੀ ਮੇਅਰ ਸੁਮਨ ਸ਼ਰਮਾ, ਵਾਰਡ 9 ਤੋਂ ਭਾਜਪਾ ਕੌਂਸਲਰ ਬਿਮਲਾ ਦੂਬੇ, ਵਾਰਡ 15 ਤੋਂ ‘ਆਪ’ ਛੱਡ ਕੇ ਕਾਂਗਰਸ ‘ਚ ਆਏ ਰਾਮਚੰਦਰ ਯਾਦਵ ਅਤੇ ਵਾਰਡ 29 ਤੋਂ ਕਾਂਗਰਸ ਆਗੂ ਮੁੰਨਵਰ ਦੇ ਵਾਰਡ ਅਨੁਸੂਚਿਤ ਜਾਤੀ ਲਈ ਰਾਖਵੇਂ ਹੋਣ ਕਾਰਨ ਇਨ੍ਹਾਂ ਸਾਰੇ ਨੇਤਾਵਾਂ ਨੂੰ ਆਪਣੀਆਂ ਮੌਜੂਦਾ ਸੀਟਾਂ ਬਦਲਣੀਆਂ ਪੈਣਗੀਆਂ।….ਇਸ ਡਰਾਅ ਤਹਿਤ ਸੱਤ ਵਾਰਡ ਅਨੁਸੂਚਿਤ ਜਾਤੀਆਂ (SC) ਲਈ ਰਾਖਵੇਂ ਰੱਖੇ ਗਏ ਹਨ, ਜਿਨ੍ਹਾਂ ਵਿੱਚ ਵਾਰਡ 29, 4, 15, 1, 9, 3 ਅਤੇ 32 ਸ਼ਾਮਲ ਹਨ। ਇਹਨਾਂ ਸੱਤਾਂ ਵਿੱਚੋਂ ਵਾਰਡ 29, ਵਾਰਡ 3 ਅਤੇ ਵਾਰਡ 32 ਨੂੰ ਵਿਸ਼ੇਸ਼ ਤੌਰ ‘ਤੇ ਅਨੁਸੂਚਿਤ ਜਾਤੀ ਦੀਆਂ ਔਰਤਾਂ ਲਈ ਰਾਖਵਾਂ ਕੀਤਾ ਗਿਆ ਹੈ, ਜਦੋਂ ਕਿ ਬਾਕੀ ਚਾਰ ਵਾਰਡ ਅਨੁਸੂਚਿਤ ਜਾਤੀ ਦੇ ਪੁਰਸ਼ਾਂ ਅਤੇ ਔਰਤਾਂ ਦੋਵਾਂ ਲਈ ਖੁੱਲ੍ਹੇ ਰਹਿਣਗੇ।