ਪੀਜੀਆਈ ਦੇ ਪ੍ਰੋ ਕੁਸ਼ਲਜੀਤ ਸੋਢੀ ਨੂੰ ਮਿਲਿਆ ਰਾਸ਼ਟਰੀ ਓਰੇਸ਼ਨ ਸਨਮਾਨ

ਸਮਰਾਲਾ, (ਸੁਰਜੀਤ ਸਿੰਘ) ਪੀਜੀਆਈ ਚੰਡੀਗੜ੍ਹ ਦੇ ਰੇਡੀਓਡਾਇਗਨੋਸਿਸ ਵਿਭਾਗ ਦੇ ਪ੍ਰੋ ਕੁਸ਼ਲਜੀਤ ਸਿੰਘ ਸੋਢੀ ਨੂੰ ਸੋਸਾਇਟੀ ਆਫ਼ ਐਮਰਜੈਂਸੀ ਰੇਡੀਓਲੋਜੀ ਓਰੇਸ਼ਨ 2026 ਨਾਲ ਸਨਮਾਨਿਤ ਕੀਤਾ ਗਿਆ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਇਹ ਵੱਕਾਰੀ ਸਨਮਾਨ 4 ਤੋਂ 6 ਸਤੰਬਰ ਤੱਕ ਰਿਸ਼ੀਕੇਸ਼ ਵਿਖੇ ਆਯੋਜਿਤ ਸੋਸਾਇਟੀ ਆਫ਼ ਐਮਰਜੈਂਸੀ ਰੇਡੀਓਲੋਜੀ ਦੀ 13ਵੀਂ ਸਾਲਾਨਾ ਕਾਨਫਰੰਸ ਦੌਰਾਨ ਪ੍ਰਦਾਨ ਕੀਤਾ ਗਿਆ। ਪ੍ਰੋ. ਸੋਢੀ ਨੇ ਇਸ ਮੌਕੇ “ਬੱਚਿਆਂ ਵਿੱਚ ਛਾਤੀ ਸਬੰਧੀ ਐਮਰਜੈਂਸੀ: ਇਮੇਜਿੰਗ ਦੀਆਂ ਚੁਣੌਤੀਆਂ ਅਤੇ ਬਦਲਦੇ ਪੈਰਾਡਾਈਮ” ਵਿਸ਼ੇ ’ਤੇ ਓਰੇਸ਼ਨ ਦਿੱਤੀ। ਉਨ੍ਹਾਂ ਨੇ ਇਮੇਜਿੰਗ ਦੇ ਖੇਤਰ ਵਿੱਚ ਹੋਈਆਂ ਤਰੱਕੀਆਂ ਅਤੇ ਐਮਰਜੈਂਸੀ ਮੈਡੀਕਲ ਦੇਖਭਾਲ ’ਤੇ ਇਸ ਦੇ ਪੈ ਰਹੇ ਪ੍ਰਭਾਵ ਨੂੰ ਉਜਾਗਰ ਕੀਤਾ। ਇਹ ਸਨਮਾਨ ਪੀਡੀਆਟ੍ਰਿਕ ਰੇਡੀਓਲੋਜੀ ਅਤੇ ਐਮਰਜੈਂਸੀ ਇਮੇਜਿੰਗ ਦੇ ਖੇਤਰ ਵਿੱਚ ਪ੍ਰੋ. ਸੋਢੀ ਦੇ ਮਹੱਤਵਪੂਰਨ ਯੋਗਦਾਨ ਨੂੰ ਮਾਨਤਾ ਦਿੰਦਾ ਹੈ।